.jpg)
Секоја нова работна недела со себе носи многу предизвици, а еден од најголемите е дефинитивно оној кога треба да размислуваме за стилските комбинации за секој ден.
.jpg)
Во тој момент, повеќе од добредојдена е инспирација од шик дамите кои обожуваме да ги гледаме на социјалните мрежи, а една од нив е дефинитивно и Валерија Липоветски. Прекрасната инфлуенсерка и долгогодишен модел со навистина интересна животна приказна, е една од најголемите обожавателки на брендот Mango, па речиси секојдневно инспирира со нивното комбинирање.
Вљубена во лежерните парчиња за преку ден, но и во оние ултра впечатливите за ноќните прошетки со сопругот, Валерија е вистинска Mango девојка со нескротлива позитивна енергија.
Оваа сезона, во најголемиот дел од нејзините шик комбинации таа вметнува широки макси фустани, но и кошула и панталони со ист принт кои толку многу потсетуваат на безгрижните денови од некое старо време.
За специјалните настани што таа ги има во изобилие, секогаш одбира нешто специфично, а токму новата колекција на вашиот омилен бренд е полна со такви парчиња.
Покрај одличниот стил, на Инстаграм профилот на Валерија секојдневно можеме да уживаме во нејзиното секојдневие исполнето со нејзините слатки синови и сопругот за кој ќе каже дека и е најголема поддршка во она што го прави.
Имено, нивната приказна е исклучително интересна и почнува со големата разлика во години, односно дури 18 што се чини не се никаква пречка за беспрекорен брак и воспитување на нивните три деца.
Валерија раскажува дека на почетокот воопшто не знаела дали таквата врска ќе успее, со оглед на тоа што таа имала 20, а тој 38 години, но денеска ќе каже дека воопшто и не може да си го замисли животот без личноста која е совршен пример за нивните деца.
Денеска, ве запознаваме со оваа прекрасна девојка и се инспирираме за супер шик комбинации за секој ден од неделата.
