.jpg)
Иако веројатно и оваа година забавите ќе бидат сведени на минимални собири со најблиските поради сè уште актуелната ситуација, со сигурност не треба да се откажете од добрите и блескави комбинации.
.jpg)
Како и секоја година, така и оваа, ви ја олеснуваме потрагата по најстилските парчиња со наш избор на највпечатливите за кои со сигурност знаеме дека ќе ви прилегаат одлично.
Оваа година, совршените комбинации ќе бидат ефектни и гламурозни, а со оглед на тоа што одамна сме немале можност да одбереме некое блескаво парче, истите ќе изгледаат повпечатливо од кога и да е.
Како и секогаш, повеќе од дозволено е експериментирањето со парчињата, особено со оние светкавите како омилени за празниците, секогаш со акцент на вашиот личен стил!
Ако воопшто за миг се двоумевте каде да ги набавите парчињата со кои ќе ги направите најуникатните празнични комбинации, во продолжение на текстот го гледате нашиот избор, одобрен од популарните Инстаграм девојки.
Овој декември, тие обожуваат шик светкав фустан во неутрална нијанса, комбиниран со високи потпетици и впечатлива чанта и накит како сосема соодветен изглед за било која празнична забава.
Иако фустаните речиси секогаш се на прво место кога се блескавите забави во прашање, оваа година, девојките уживаат во комбинирање на стилски панталони и шик маичка во кадифено издание, романтични тантелни маички комбинирани со навидум едноставни бели блузички, но и многу други парчиња во кои се чувствуваат супер удобно. Доколку новогодишната ноќ планирате да ја поминете некаде надвор, тогаш задолжително целото внимание насочете го кон избор на совршената бунда или јакна со акцент на модните додатоци. Ние денеска ви ја олеснуваме потрагата по најстилските и омилени парчиња за забавите овие блескави празници.
